Banja e Siarines keto dite e zbrazet-PSE?

Banja e Siarines ne keto dite korriku, per ata qe e njohin, nuk perngjane ne te dikurshmen

Banja e Siarines keto dite e zbrazet-PSE?

…a eshte a s’eshte kjo Banja e Siarines, vendi i cili tubonte numer te madh turistesh dhe te atyre qe vinin per tu sheruar, ku sic thot populli ne kete kohe nuk kishe ku te „veje gjilperen“ nga njerezit…

Medvegje, 10 korrik 2010(medvegja.net)

Komuna e Medvegjes gjendet ne qender te Gadishullit Ballkanik, pjese e rruzullit tokesor shume e llojllojshme me natyre te vecant dhe me pasuri te shumeta natyrore. Edhe kesaj komune Zoti i ka dhuruar boll pasuri natyrore, nga te cilat njerezit qe jetuan dhe po jetojne aty, duhej te kishin nje jete me te mire, por fatkeqesisht, ato pasuri i shfrytezuan dhe po i shfrytezojne te tjeret dhe kjo komune tani e edhe ne te kaluaren, eshte njera nga komunat me te pazhvilluara ne pjesen qe Serbia e quan Serbi jugore, ndersa ne shqiptaret Kosove Lindore, kurse nje surrogate i emrit me te ri ka dale nga disa, duke e quajtur kete rajon Lugine e Presheves.

Pavaresisht nga ajo se si e quajne, ky rajon edhe me tutje mbetet pjesa me e pazhvilluar edhe ne keto kohera moderne, pa fajin e vet, por me fajin e faktorit njeri.

Nga ajo se Zoti ka dhene shume per kete treve, po ceku vetem nje, Banjen e Siarines, nje thesar apo nje mrekulli, ku ne nje vend te vogel, ne nje perimeter prej afro 800 metrash dhe ne lartesi mbidetare prej 540 metrash, gjenden 18 burime te ujerave minerale me veti fizike e kimike te ndryshme, disa nga keto me largesi vetem prej disa metrash njera prej tjetres. Kuptohet te gjtitha sheruese, perveq asaj qe jane edhe shume te kendeshme per tu pire.
Ne nje largesi prej 150 deri me 200 metrash njeri prej tjetrit, ka dy gejzere me uje te nxehte deri me 73 shkalle te celziusit, edhe ky mineral, te cilet pa nderprere as dite as nate e as vere as dimer qesin ujin ne lartesi prej 13 deri me 40 metra. Kuptohet, kjo e tera eshte e rrethuar me nje natyre piktoreske te maleve te ahut dhe te bungut, me nje gjelberim te dendur dhe me nje ajer te themi te filtruar e te paster, te cilin nuk e gjene dot ne shume vende. Toka e rrethines, eshte nje toke pjellore, toke bukanike, e cila e bene cka te mbjellish ne te.

Gejzeri dhe bazeni olimpik ne Banje te Siarines, pa vizitore.

Ketyre diteve, kur duhej te ishte perplot e mbushur me vizitore, turiste apo njerez qe vijne per sherime te ndryshme, ajo ishte pothuaj se e zbrazet dhe nuk te ngjante ne ate te dikurshmen, e cila ne kete kohe te vitit ishte e permbushur me njerez, sa qe sic thot populli nuk kishe ku ta „veje gjilperen nga njerezit“ ne kete kohe. Fatkeqesisht, kjo nuk ngjane vetem ne kete vit, por vite me rradhe, perkatesisht qe nga koha e perfundimit te luftes ne mes te Kosoves dhe te Serbise, pas dhenjes per banoret e Kosoves, te dokumenteve te reja te identifikimt dhe te udhetimit, e sidomos pas shpalljes se pavaresise se Kosoves, ne vitin 2008. Banjen e mbushnin dhe e mbanin kryesisht vizitoret nga Kosova, normalisht, sepse gjendet afer dhe per ate qe ofron kjo banje, eshte me se e nevojshme per nje numer te madhe te njerezve nga Kosova. Por, halli qendron n’ate se shteti „demokratik“ i Serbise nuk i lejon te hyjne ne token „e tij“ ata njerez qe mbajne dokumente te leshuara nga shteti me i ri, Republika e Kosoves. Pra shteti i Serbise keshtu ben shkeljen me flagrante te te drejtave te njeriut, ne kohen me te civilizuar te njerezimit, duke u shkaktuar deme te medha njerezve te vet, duke i penguar te kene perfitime materiale, dhe te tjerevet duke kufizur levizjen e lire si njerez te rendomte, sikur ata njerez te kishin bere vete ato dokumente identifikimi dhe te udhetimit. Po njerezit nuk mbajne faj per ato dokumente, ato jane plotesisht valide nga vendi prej nga vijne ata, ajo pune nuk eshte ne kompetencen e njerezvet te rendomte, por ne kompetencen e shtetit, pse te vuajne njerezit per kete gje, me ne fund ata nuk tentojne te hyjne pa dokumente prej nje vendi ne vendin tjeter, por plotesisht me dokumente valide te cilat vlejne per tere boten. Prandaj, keshtu politika e gabuar apo qellim keqe, e perzier ne jeten e njerezve te rendomte ka shkaktuar deme te medha per vendoret te cilet do te kishin perfitime te mira nga vizitoret per sherbimet e ofruara dhe per vozitoret te cilet do te shfrytezonin kete banje per sherim apo rekreacion e turizem. Kush dhe kur do te jep llogari per keto humbje te shkaktuara per njerezine Zoti e dijte, por kjo eshte nje pergjegjesi e madhe edhe para Zotit edhe para robit te tij.

Shkruan : Prof.Rexhep Abazi