Buxhovi: Në bisedimet Kosovë- Serbi duhet të diskutohet edhe çështja e shqiptarëve të Medvegjës,Bujanocit e Preshevës

Buxhovi: Në bisedimet Kosovë- Serbi duhet të diskutohet edhe çështja e shqiptarëve të Luginës së Preshevës

Medvegjë,Prishtinë,14 mars(medvegja.net)

Në bisedimet Kosovë- Serbi domosdoshmërisht duhet të diskutohet edhe çështja e shqiptarëve të Luginës së Preshevës, ka deklaruar kështu për Televizionin Presheva, profesor doktor, Jusuf Buxhovi.

Deri më tani për këtë çështje është folur me shumë hezitim nga struktura të caktuara politike në Republikën e Kosovës. Bisedime kryesisht do të jenë politike sepse në atë moment kur të fillohet të bisedohet për veriun e Kosovës, relacionet e tyre me Serbinë në aspektin qoftë kulturorë dhe intelektual, domos doshmërisht duhet të hapet edhe çështja e Luginës së Preshevës. Pozita e shqiptarëve të Luginës duhet ta ketë të njëjtën relevancë- me serbët në Kosovë. Sipas profesorit Buxhovi, Kosova duhet nga Bashkësia Evropiane të krijojë të njëjtat standarde për të dy komunitetet si shqiptare ashtu edhe serbe. Në pyetjen tonë të parashtruar se çfarë mendon për opsionet Shqipëria natyrale, zotri Buxhovi ka potencuar se nuk ka rëndësi sot të kapim terma të ndryshëm sepse shqiptarët një kohë të gjatë ishin viktimë si Shqipëria e madhe apo Shqipëria etnike.

Jemi në situatë të flasim për tërësitë e tyre shtetërore brenda atij realiteti që ekzistojnë. Duhet ta shfrytëzojmë klimën politike të Bashkësisë Evropiane, shqiptarët të bashkohen në BE dhe të shtrojnë interesat e tyre. Klima politike po u mundëson shqiptarëve që në mënyrë demokratike të bashkohen në Evropë. Nëse bashkohemi në çatinë e Bashkësisë Evropiane me të drejta demokratike kjo do të thotë se Shqipëria po ekziston, ka përfunduar ndër të tjera profesor doktor, Jusuf Buxhovi./RTV Presheva/