Archive for the ‘Lajmet’ Category
Me rastin e Muajit të Shenjtë të Ramazanit
Shoqata Kulturore Bamirëse “MEDVEGJA FORUM” e vazhdon aktivitetin e saj bamirës në Medvegjë
Svircë/Llapashticë/Kapit/Medvegjë, 30 gusht 2010 (medvegja.net)
Shoqata Kulturore Bamirëse “MEDVEGJA FORUM”, që vepron në kuadër të Medvegja.net, e realizoi projektin e dytë në Medvegjë. Kështu, Medvegja Forum, me rastin e Muajit të Ramazanit, e ka zhvilluar një aksion humanitar në Medvegjë, duke arritur të shpërndajë ndihma me artikuj ushqimorë, shkollorë dhe higjienikë për 3 familje me kushte jo të mira ekonomike në fshatrat e kësaj komune të Kosovës Lindore.
Në këtë mënyrë, Medvegja Forum, në bazë të mundësive të veta, tenton që sadopak t’ua lehtësojë këtë Muaj të Bekuar dhe Festën e Fitër-Bajramit këtyre familjeve.
Ndihmat e para iu dërguan familjes Rama, e posakthyer në Svircë të Medvegjës. Ndërkaq zonja e shtëpisë, z.Selvije, pasi shprehu falënderime për përkrahjen që po ju u jepet, u bëri thirrje të gjithë atyre që mund të ndikojnë në punësimin e ndonjë anëtari të familjes, ta bëjnë një gjë të tillë. Ajo më tutje vazhdoi të rrëfejë për vështirësitë e mëdha pas kthimit në vendlindje. “Me të vërtetë nuk e kemi lehtë. Jemi 8 anëtarë, pa asnjë të punësuar. I kemi 3 fëmijë për shkollë dhe nuk po dimë kah t’ia mbajmë”, tha ndër të tjera zonja Selvije.
Vazhduam në drejtim të Llapashticës, vend ky kodrinor-malor, i zhytur në thellësi të Medvegjës, i banuar me shqiptarë. Në këtë vend dikur ishte e ndërtuar një xhami, së cilës sot, fatkeqësisht, i ka mbetur vetëm emri, meqë tani nuk vërehen as rrënojat e saj. Nga ky vend dolën edhe njerëz të shquar të kombit, ndër të cilët vlen të përmendet Halil Pasha. Dikur ky vend e kishte një gjallëri, e kishte një perspektivë, ndërkaq sot, skajshmërisht të dëshpëruara, i takojmë vetëm 2 familje shqiptare dhe ato në kushte tejet të rënda ekonomike.
E takuam kryefamiljarin e njërës prej tyre, z.Halimi, i cili e falënderoi Medvegja.net Forum për përkrahje, duke treguar njëkohësisht për vështirësitë e të jetuarit të vetmuar në këto troje.
Ndonëse Kapiti dhe Llapashtica kufizohen ndërmjet vete, na u desh të zbresim në Medvegjë, për të vazhduar në familjen e zotëri H. Haradini, familje kjo 4-anëtarëshe, e cila jeton në Kapit. Në pamundësi të infrastrukturës rrugore për t’u ngjitur deri te shtëpia e z. Halilit, atë e kontaktuam dhe e ftuam që të takohemi te shkolla, përkatësisht te xhamia e Kapitit. Aty ia dorëzuam ato për çka kishim shkuar, ndërkaq ai e falënderoi përzemërsisht stafin e Medvegja.net për këtë vizitë që ia bëri.
Duke u kthyer nga Kapiti, sa ishim të kënaqur që arritëm sadopak si shoqatë e re t’u dalim në ndihmë këtyre familjeve, ishim aq të dëshpëruar se në Medvegjë ka varfëri të tillë, madje tani më të tmerrshme se kurrë më parë. E vetmja shoqatë që deri më tani është përkujdesur për mirëqenien e shumë familjeve në Medvegjë është SHPH “Medvegja”, me seli në Zvicër.
Ky është aksioni i parë i Medvegja.net Forum në Medvegjë, ndërkaq shpresojmë se aksione të tilla të ndërmarrim më shpesh.
Vlen të theksohet se ditë më parë Medvegja Forum e kishte organizuar një turnir në futboll të vogël me karakter humanitar në Fushë-Kosovë, ndërkaq kishte ndarë disa mjete edhe nga buxheti i vet për ta zhvilluar këtë aksion bamirës.
Një falënderim të veçantë duhet bërë për prof. Fadil Mustafa, i cili e shoqëroi vazhdimisht stafin e Medvegja Forum./medvegja.net/
Shkruan: Burim Uka
Posted in Regjistrimi i studentëve në shtator
Medvegjë,24 gusht 2010 (medvegja.net)
Fakulteti Juridik në Nish,dega Medvegjë ka hapur konkursin e dytë për regjistrimin e studentëve në studimet themelore në vitin e parë të vitit akademik 2010/2011.
Paraqitja e kandidatëve do të bëhet më 1 dhe 2 shtator nga ora 10 deri në orën 14,ndërkaq provimi pranus do të mbahet më 3 shtator.Në Fakultetin Juridik në Medvegjë kan mbetur edhe 29 vende të lira për student me vetëfinancim.
Në Fakultetin Ekonomik në Medvegjë jan edhe 35 vende të lira me vetëfinancim si dhe 10 vende nga buxheti për studentë.
Provimi pranus do të mbahet më 4 shtator 2010,ndërkaq studentët duhet të paraqiten më 1 dhe 2 shtator në ndërtesën e Shkollës Fillore ,,Jabllanica e Epërme” në Medvegjë.Sipas rënditjes lista përfundimatre do të dal më 9 shtator.
Kontakti:tel: 016 891- 652
E-majl: fakmedvedja@gmail.com
Përktheu: Burim Uka/medvegja.net/
SHHLP – Zvicër ndërtoi edhe një shtëpi të re
Bujanoc,22 Gusht 2010(medvegja.net)
Me rastin e pushimeve verore, kur edhe shumica e bashkatdhetarëve tanë gjenden në atdhe, kryesia e shoqatës Lugina e Preshevës, në mirëkuptim me të gjithë anëtarët e saj dhe të gjithë ata vullnetmirë që po japin ndihmat e tyre drejt shoqatës sonë, rrumbullaksoi edhe një sukses të madh, duke ndërtuar komplet edhe një shtëpi në Muhoc të Bujanocit dhe mu për këtë arsye, u mblodhën më 30 korrik nga Presheva, Bujanoci, Medvegja dhe Diaspora, drejt Muhocit, drejt konakut të familjes Hajrullahu gjashtë anëtarëshe, të cilët më herët e kishin një gjendje të mjerueshme banimi, me shtëpi të vjetër dhe thuajse gati të rrënuar.
Me këtë rast, iu dorëzuan zyrtarisht çelësat e shtëpisë kësaj familjeje. Me ato pak ditë pushimi që i kanë aktivistët e shoqatës Lugina e Preshevës, në vend se të çmallen me familjet e tyre e me farefisin, ata nuk po i ndalen jetës së humanitetit. Rruga drejt këtij fshati të komunës së Bujanocit, Muhoc për këta veprimtarë ishte shumë e largët në kuptimin emocional, sepse dëshironin që të mbërrinin sa më shpejt dhe t’ia dorëzojnë çelësat kësaj familjeje, që ta gëzojnë sa më shpejt këtë familje.
Ashtu edhe ndodhi, me të arritur në Muhoc e kuptonin se do të ketë emocione tek të gjithë vullnetmirët, por më së shumti për familjen gjashtë anëtarëshe. Ishin mbledhur një numër i konsiderueshëm i bashkëkombasve për të përcjellur këtë ngjarje bëmirësie, që bashkatdhetarët nuk po ndalen së vepruari.
Fjalën hyrëse të kësaj ceremonie e hapi kryetari i Bashkësisë lokale të Muhocit Z. Ramizi, ku pasi përshëndeti të pranishmit dhe i falënderoi të gjithë ata që kontribuan për ta ndihmuar këtë familje, por në veçanti falënderimet ishin të drejtuara te SHHLP-Zvicër, pasi kjo shoqatë humanitare ishte sponzori kryesor.
Fjala përshëndetëse në vazhdim iu dha edhe nënkryetarit të SHHLP z.Fazli Musliut, i cili njihet jo vetëm në diasporë, por në të gjitha hapësirat shqiptare, si veprimtar i dalluar, i cili nuk dorëzohet asnjëherë dhe gjithmonë shpirti i tij është për të ndihmuar atje ku ka vërtetë nevojë.
Veprimtari Fazli Musliu, njëherit xhaxhai i dëshmorit të komandantit të njësitit Mitat Musliut, me emocione të kuptueshme, përshëndeti fillimisht, në emër të të gjithë kryesisë së shoqatës “Lugina e Preshevës” me seli në Gossau të St.Gallenit Zvicër, pastaj në emër të anëtarësisë së gjerë, në emër të të gjithë atyre që kanë dhënë ndihmën e tyre si dhe falënderoi bashkësitë islame shqiptare që veprojnë në Zvicër e që bashkëpunojnë me ne, që gjithmonë po kontribuojnë dhe po janë afër nesh.
Të gjithëve perendia ua shpërbleftë me të mira.Z.Musliu, nuk harroi për ti përshëndetur edhe mediat vizuele, elektronike dhe ato të shkruara që veprojnë në diasporë e luginë, si Televizion Diaspora në kuadër të RTK-së me producentin e saj Esat Husaj, agjencinë e lajmeve kosovaere.ch që drejtohet nga Albanian Media Center me editor Dashnim Hebibi, gazetën ditore Zëri, gazetën ditore “Bota sot”, presheva com,medvegja.net si dhe shoqatën si motër “Medvegja” me qendër në Fully të Valisit-Zvicër, e cila gjithmonë ka qenë afër nesh.
Në vend se ne ti ndihmojmë kësj shoqate duke ditur se si është gjendja në Medvegjë, ata po na ndihmojnë ne, por ne do të jemi gjithmonë afër tyre në çfarëdo situate dhe apsolutisht nuk mundem pa e përmendur edhe humanistin e madh, pra kryetarin e kësaj shoqate z.Zenel Nezirin, të cilit gjithmonë i dhemb zemra edhe për Preshevë, ai na ka thënë, se bukën do ta ndajmë për gjysëm, ne si shoqata, e partitë nuk po i shikojmë, sepse ne jemi të pavarur dhe veprojmë nga ndihmat e bashkatdhetarëve.
Me disa fjalë z.Musliu, vazhdoi duke përmendur edhe falënderuar edhe Shoqatën “Sali Çeku” në Gjermani, e cila gjithashtu është në sofrën tonë të ndihmave dhe shoqata tjera që veprojnë në diasporë. Shoqata jonë humanitare nuk do të ndalet asnjëherë, sepse ne kemi një numër të madh të bëmirësve dhe ata japin ndihmat e tyre dhe ne dërgojmë aty ku ka nevojë, i studiojmë shumë mirë, që të mos përbuzet as një euro, sepse janë të holla nga djersa e bashkatdhetarëve tanë.
Mundet edhe të mos i pëlqej dikujt këndej apo andej puna jonë, por ne jemi shumë të kujdesshëm dhe kështu do të vazhdojmë, i falënderojë të gjithë ata që kanë ndihmuar dhe që po ndihmojnë. Mirë do ishte që edhe këndej, këtu në atdhe të shikohet, e të ndihmohet në mes veti, psh ndihma duhet të vijnë nga Bujanoci dhe vetë Presheva, sepse nëse ndihmohemi nëmes veti edhe të varfër nuk do të kemi.
Të mos kënaqemi me ata që nuk kanë, por ta respektojmë dhe ti ndihmojmë. Komunat tona kanë shumë të varfër, prandaj duhet ndihmuar.Familjes Hajrullahu i dëshirojmë jetë të gjatë dhe të lumtur, ta gëzojnë këtë shtëpi bashkë me miqtë e tyre.
Gjithashtu i pranishëm në këtë takim, ishte edhe kryetari i shoqatës “Medvegja” me seli në Fuly të Valisit Zvicër, z. Zenel Nezirit, ku i përshëndeti të pranishmit dhe e përshëndeti SHHLP-Zvicër, e cila tha ai ndër të tjera: “Kjo shoqatë edhe pse nuk ka më shumë se katër vite jetë humaniteti nën ombrellën e kësaj shoqate, brenda saj, ka shumë veprimtarë të vjetër me përvojë dhe zemër të madhe që nuk po ndalen dhe i lumtë që nuk po ndalen.
Shoqata jonë, jemi bashkë me këtë shoqatë si motër dhe do të qëndrojmë të fortë edhe në situata tjera, duke shpresuar, se edhe në të ardhmen do të veprojmë kështu siç jemi duke punuar. Edhe ne ishim në kontakte të vazhdueshme me punën që bënte kjo shoqatë dhe jemi, prandaj, do të jemi afër përgjithmonë.Me këtë rast edhe ne po solidarizohemi me familjen Hajrullahu me 500 Franga Zvicerane, donacion i shoqatës sonë. I lumtë për këtë punë që kanë bërë.
Përpos bashkatdhetarëve nga Zvicra, në këtë ditë të çmuar, mori pjesë edhe kryetari i nëndegës së SHHLP për Belgjikë, z.Suat Shabani, ku participuan në këtë projekt humanitar me 300 Euro. Edhe z.Shabani përshëndeti të pranishmit dhe i njoftoi të pranishmit, se SHHLP po gjenë mirëkuptim tek të gjithë bashkatdhetarët edhe në Belgjikë, sepse po shihet puna e aktivistëve të kësaj shoqate humanitare, duke vepruar ferë dhe me gjithë shpirtë.
Në këtë ditë bëmirësie, ishte i ftuar edhe babai i dëshmorit Agim Elshanit, z.Elmi Elshani nga Malisheva e Kosovës, por nuk mundi të jetë në mesin tonë, për arsye objektive. Çelësat e shtëpisë së re, i dorëzuan Ferat Rashiti sekretar i SHHLP-së, si dhe Shefket Ibishi arkatar i OVL-së Bujanoc. Z.Ibishi përshëndeti të gjithë të pranishmit dhe falënderoi të gjithë ata që kanë kontribuar në këtë drejtim. Me të marrur çelësat e shtëpisë, nuk munguan edhe emocionet tek kryefamiljari dhe tek të gjithë të pranishmit.
Ky objekt për hirë të korrektësisë tek opinioni i gjerë, po ju informojmë na thotë ndër të tjera z.Fazliu, ka kushtuar 11’615 Euro, plus objekti i dytë i Ramizit kryetarit të Bashkësisë Lokale, pasi ishte pjesmarrës i luftës në aradhat e UÇPMB-së, i cili ishte duke jetuar me një dhomë me kushte të rënda, i ndihmuam ne si SHHLP me rregullimin e një dhome dhe koridorin, ku na kushtoi 600 Euro, pra gjithsej nga SHHLP janë dorëzuar për dy objektet 11’715 EURO, kurse Baci Shefket, ka tubuar gjithsej me ato të komunës që dha 1500 EURO, pra kishte tubuar 5134 EURO, kështu që të dy objektet kanë kushtuar 16’849 Euro.
Vlenë të përmendet dhe të falënderohen edhe ato familje që kishin përgatitur drekën për të gjithë të pranishmit, me ushqime tradicionale. Krejt në përmbyllje të kësaj dite bëmirësie, në emër të familjes Hajrullahu, u falënderua bashkëshortja e Hajrullahu dhe vajza, ku falënderoi kryesinë e shoqatë, anëtarët e SHHLP-së, të gjithë ata që kanë kontribuar për të ndihmuar dhe të gjithë të pranishmit.
Në fund të kësaj dite, ne siguruam edhe një prononcim nga z.Fazli Musliu i cili me pak fjalë tha: “Ne nuk do të ndalemi, sepse kemi bëmirës shumë, e këta bëmirës japin, sepse na besojnë dhe ne asnjëherë nuk e keqëpërdorim dhe gjithmonë punojmë korrekt duke i informuar për çdo euro se si ka shkuar dhe ku ka shkuar.
Shpresojmë, se humanitet të mos presin në të ardhmen vetëm nga diaspora, sepse falë perendis, kemi bëmirës edhe në atdhe dhe të veprohet edhe andej, që së bashku të jemi më të fortë. SHHLP-falënderon të gjithë që kanë kontribuar, perendia ua shpëbleftë me xhehnet, nuk ka më mirë, se kur sheh një familje të buzëqesh, të gjitha lodhjet harrohen.
Shkruan : Besnik Hebibi- Bujanoc/Cyrih
Fotografite:Burim Uka /medvegja.net/
Hoxhaj: Kemi obligim moral dhe shtetëror që t’i përmbushim të gjitha kërkesat që i kanë shqiptarët e Luginës
Prishtinë 17.08.2010 (medvegja.net)
Ministri i Arsimit, Shkencës dhe Teknologjisë i Republikës së Kosovës, Enver Hoxhaj, në takimin që kishte me kryetarin e Komunës së Preshevës, Ragmi Mustafa, bëri të ditur se do të rritet kuota për studentët nga Lugina e Preshevës.
“Ne si Republikë e Kosovës e kemi obligim moral, shtetëror dhe është obligim evropian që t’i përmbushim të gjitha kërkesat që i kanë shqiptarët e Luginës së Preshevës për qasje të barabartë në arsimin fillor, të mesëm dhe të lartë.. Kuota, të cilën ne e kemi siguruar, do të rritet edhe për 88 kandidatë të rinj, të cilët do të regjistrohen në drejtime të caktuara në Universitet”, tha ministri Hoxhaj.
Ai bëri të ditur se gjatë këtij viti shkollor, Republika e Kosovës do t’i sigurojë 800 abetare falas për nxënësit e klasës së parë në Luginën e Preshevës, sikur që ka bërë edhe vitin e kaluar. /presheva.com/
Svircë-Medvegjë, 13. VIII. 2010 (medvegja.net)
Një delegacion i Shoqatës Humanitare “Medvegja” në Zvicër, i prirë nga kryetari Zenel Neziri, e ka vizituar familjen e Adem Ramës në Svircë të Medvegjës.
Me këtë rast, delegacioni i shoqatës u njoftua nga kryefamiljari i familjes së posakthyer me problemet që ka hasur pas kthimit, në veçanti me problemet ekonomike me të cilat kjo familje ballafaqohet.
Me këtë rast u shtrua nevoja për punësimin e ndonjë anëtari të kësaj familjeje, në ç’mënyrë do të mundësohej një jetë më normale.
Kryetari i shoqatës, z. Zenel Neziri shprehu konsideratën e tij dhe të shoqatës që ai drejton për t’i dalë në ndihmë çdo familjeje që kthehet në Medvegjë. Me këtë rast, familjes Rama iu premtua një ndihmë prej 1000 eurosh, mjete këto që do të shërbejnë për blerjen e një lope për qumësht, në radhë të parë.
z.Zenel Neziri,kryetari i shoqatës Medvegja në Zvicër
Z. Ademi, kryefamiljari i kësaj familje, shprehu falënderimet e përzemërta për shoqatën “Medvegja” në Zvicër. Njëherësh ai falënderoi për vizitën e dytë brenda një kohe shumë të shkurtër.
Vlen të theksohet se familja e Adem Ramës është kthyer në Medvegjë para 2 muajve, ndërkaq është vendosur në Svircë, afër xhamisë së Siarinës, dhe ka 8 anëtarë, ndërkaq më parë shoqata “Medvegja” ia kishte ndarë një shumë simbolike prej 200 Chf.
