Mbahet tubimi i gjashtë përkujtimor kushtuar komandant Muhamed Xhemailit nga Muhoci i Bujanocit

Mbahet tubimi i gjashtë përkujtimor kushtuar komandant Muhamed Xhemailit nga Muhoci i Bujanocit

Medvegjë, 15 korrik 2011(medvegja.net)

Në një ditë vere me vapë të madhe në oborrin e ambulancës së fshatit Muhaoc, të tubuar për të përkujtuar komandantin e paharruar të këtij fshati nga Lufta e UÇPMB së Muhamed Xhemailin dhe të tjerët, të pranishmit i bënin ballë vapës së madhe dhe diellit përcëllues veror.

Si gjithëherë, këtu kishin ardhur familiarët e dëshmorëve, bashkëkombasit, bashkluftëtarët dhe bashkfshatarët e tyre. Kjo ditë u kushtohej tre dëshmorëve të luftës së UÇPMB së: Muhamed Xhemailit, nga Muhoci, Besim Mazrekut nga Gjilani dhe Agim Elshanit nga Malisheva.
Kësaj radhe u vërejt se në tubim nuk ishin nëna dhe babai i Agim Elshanit nga Malisheva, për të cilët nuk dihej shkaku i mungesës, edhe pse në të gjitha tubimet e mëparsme ata ishin gjithmonë prezent.
Por si gjithmonë prezente ishte nëna e dëshmorit Besim Mazreku, edhe pse në moshë të shtyrë si dhe familiarët e tij.
Tubimin e hapi dhe me një fjalë rasti të pranishmit i përshëndeti ngrohtësisht z. Vesel Sabedini, kryetar i këshillit organizues.

Ai pastaj foli për veprën e dëshmorëve të rënë në Luftën e UÇPMB së, por duke i përmendur edhe dëshmorët e lutërave të mëhershme të këtyre trojeve.
Tubimin me një fjalë rasti e përshëndeti babai i dëshmorit, Ridvan Qazimit, komandant Lleshit, Haxhi Hyseni, i cili porositi që për dëshmorët dhe familjet e tyre duhet të ketë përkujdesje të duhur sepse dëshmorët luftuan për lirinë e kombit.
Bashkëshortja e dëshmorit Muhamed Xhemailit, zonja Enkelejda Xhemaili shprehu pakënaqësi me gjendjen e rëndë të familjeve të dëshmorëve duke cekur se për këtë situatë mbajnë përgjegjësi edhe dy shtetet shqiptare: Republika e Shqipërisë dhe Repubika e Kosovës, sepse dëshmorët janë të kombit e jo të rajoneve prej nga kanë lindur ata, duke apeluar që të mos ketë ndarje të trojeve shqiptare nga shqiptarët.
Tubimin e përshëndetën edhe dr. Mejdi Zeqiri, përfaqësues i pushtetit lokal nga komuna e Bujanocit, z. Selami Bajrami, kryetar i bashkësisë lokale ….., prof. Rexhep Abazi, veprimtar nga Medvegja, z. Nagip Aliu, përfaqësuaesi i Veteranëve të UÇPMB së, e tj.

Të gjithë u pajtuan se për dëshmorët e kombit nuk duhet të ketë kufinj, sepse ata luftuan për lirinë e të gjitha trojeve shqiptare.
Vajza e dëshmorit Xhemaili, voglushja Elona Xhemaili, me vargjet e poezisë kushtuar Babit, i mbushi me lotë sytë e të pranishmëve kur tha:

...Babi o babi,
Shumë jam përmalluar,
Për zërin tënd t’ ëmbël,
E dorën tënde, për t’më ledhatuar...

Më pastaj me recitime e program modest kulturo artistik këtë eveniment madhështor e begatuan edhe artistë e pjestar të shkollës fillore të Muhocit si edhe përfaqësuesit e Grupit folklorik “ Shpëtimi” nga Medvegja, z. Shefki Halimi, z. Kadri Abazi dhe z. Zenel Halimi, nën udhëheqjen artistike të prof. Rexhep Abazit.
Me këtë rast pranë lapidarit të dëshmorëve Bashkësia lokale e Muhocit, OVL së UÇPMB së, familiarët e dëshmorëve, vunë kurora dhe lule për të freskuar kujtimin ndaj tyre.
Për të gjithë të pranishmit familja Xhemaili kishte përgaditur drekë.

Lavdi dëshmorëve të kombit.
Zoti e bekoftë kombin shqiptar.

Shkruan: prof Rexhep Abazi