Shoqata Kulturore Bamirëse Medvegja Forum dënon ashpër sulmin ndaj familjes Ismajli nga Gërbaci i Medvegjës. Rastet e tilla janë të papranueshme dhe i konsiderojmë sulm direkt ndaj çështjes shqiptare në Medvegjë.
Kujtojmë se pikërisht këto raste kanë bërë që shqiptarët të shpërngulen nga Medvegja nga viti 2000 deri më sot.
Kërkojmë nga organet e rendit që të hetojnë rastin në fjalë deri në zbardhjen e tij dhe, ndaj policit të ndërmerren masat e duhura ligjore.
Po ashtu kërkojmë nga faktori politik shqiptar që të ngrehë zërin ndaj këtij rasti dhe të kontribuojë që rastet e tilla të mos përsëriten në komunën e Medvegjës.
Kërkojmë edhe nga dy qeveritë e shteteve shqiptare, asaj të Shqipërisë dhe asaj të Kosovës, që rastet e tilla, të cilat ndodhin shpesh në Kosovën Lindore, t’i ngrehë në nivel ndërkombëtar, pasi që konsiderojmë se këto raste janë politikë e qeverisë së Serbisë, e cila asnjëherë nuk nguron që të hapë debate në nivel ndërkombëtar kur është fjala për serbët që jetojnë në Republikën e Kosovës.
Sh.K.B ,,Medvegja Forum’’
w w w.m e d v e gj a.n e t
Kryesia,21 nëntor 2011
Prishtinë-Medvegjë
*Të bashkangjitur e keni edhe reagimin që u botua në Gazetën Kosova Sot të datës 22 Nëntor 2011
/medvegja.net/




23 Nëntor 2011
-Lajmet-